«ЭНЦИКЛОПЕДИЯИ ХОҶАГИИ ҚИШЛОҚИ ТОҶИКИСТОН», асари дуҷилдаи донишномаӣ доир ба соҳаҳои кишоварзии Тоҷикистон. Ҷилди 1-и он соли 1989 нашр шудааст, ки аз 576 саҳифа (бо 12 варақ тасвирот) иборат буда, мақолаҳои бо ҳарфҳои А – М (АБАЛАК – МУРҒ)-ро дар бар мегирад.
«ДОНИШНОМАИ МУХТАСАРИ КӮДАКОН ВА НАВРАСОН», нахустин донишномаи кӯдакону наврасон дар Тоҷикистон. Барои кӯдакони аз синни 8-сола боло пешбинӣ шудааст. Доир ба таърих, физика, астрономия, биология, ҷуғрофия, санъат ба таври умумӣ ва мухтасар маълумот медиҳад.